သစ်ခွစိုက်တဲ့ အခါ

ကျနော် ပန်းပင်တွေစ စိုက်တော့ နှင်းဆီတွေစိုက်တယ်။ စိုက်ရင်းနဲ့တစ်ခုသိလာတာက နှုံးသဲတွေက အမြစ်ထွက်အား ကောင်းတယ်လို့။ ဒါနဲ့သဲကားနှစ်စီးလောက်မှာပြီးစိုက်တယ်။ အမြစ်တွေဖြာပြီးထွက်လာတော့ နှင်းဆီတွေကလှတယ်။ မသိခဲ့တာတစ်ခုက သဲထဲမှာ အပင်အတွက်လိုအပ်တဲ့ အာဟာရ မပါဘူးဆိုတာပဲ။ ဒီလိုနဲ့ အနည်းလိုအာဟာရတွေလိုပြီး အပင်တွေက ရွက်ပြောက်ရောဂါဖြစ်လာတယ်။ ဒီတော့ ဆရာကိုလှမ်းမေးတယ်။ ဆရာပြောတဲ့ဆေးတွေဖျန်းတော့ ကောင်းသလိုနဲ့ နောက်ထပ်ပြန်ဖြစ်တယ်။ အဲဒီမှာဆရာက သစ်ခွစိုက် တဲ့။ သစ်ခွဆိုတာ မြေနဲ့စိုက်တာမဟုတ်တဲ့အတွက် ပြုစုရသက်သာတယ် တဲ့။  ဒါနဲ့သစ်ခွစိုက်တယ်။ သစ်ခွတွေက ဈေးကြီးတော့ အပင်နည်းနည်းလေးပေါ့။ ဘယ်လို စိုက်ရမလဲလို့ဆရာကို မေးတော့ သစ်ခွစိုက်ပျိုးနည်းတွေ အများကြီးပြောပြတယ်။သစ်ခွပင်လည်းပေးတယ်။ သစ်ခွစိုက်ပျိုးနည်း  စာအုပ်လေးတစ်အုပ်လည်းပေးတယ်။ ပြီးတော့“ ဒီစာအုပ်ကို ကျေအောင်ဖတ်၊ ပြီးရင်အဲဒီထဲကအတိုင်း လုပ်စရာမလိုဘူး”လို့ပြောတယ်။ ဒါနဲ့ ကျနော်လည်းဆက်ပြီး စဉ်းစားတယ်။ “ဆရာ ပြောတဲ့တိုင်းလဲ လုပ်စရာမလိုဘူး”လို့။ အဲလိုစဉ်းစားပြီး ကိုယ့်စိတ်ထဲ ရှိတဲ့အတိုင်း စိုက်တယ်။ ဆုံးရှုံးခဲ့တာတွေလဲရှိတာပေါ့။ ပြောချင်တာက သစ်ခွတွေက အလင်းရောင်၊ လေ၀င်လေထွက်၊ စိုထိုင်းဆ၊ အာဟာရ အဲဒီလေးမျိုးအဓိက လိုတယ်။ သစ်ခွမြစ်တွေက တစ်ခြားအပင်အမြစ်တွေလို မြေထဲ အမှောင်ထဲမှာမှ ရှင်သန်နိုင်တာ မဟုတ်ဘူး။ အလင်းရောင်အောက်မှာလဲ ရှင်သန်နိုင်တယ်။ ဒါကြောင့် သစ်ခွချစ်သူတွေအနေနဲ့ အိုးထဲ ပွါးစာထည့်တဲ့အခါ ရေညှိ၊ အုန်းဆံ၊ အုတ်ခဲ၊ မီးသွေးခဲ၊ သစ်သားတုံးဘာပဲဖြစ်ဖြစ် အဆင်ပြေတာထည့်ပါ။ ဘာတစ်ခုကိုမှ အစွဲလမ်းမထားနဲ့။ အဆင်ပြေတာသာ ထည့်။ ရတယ်။ နောက်ဆုံး ဘာမှမထည့်ပဲ လေထဲကြိုးလေးတစ်ချောင်းနဲ့ တွဲစိုက်ရင်လဲ လိုအပ်တဲ့ အလင်းရောင်၊ လေ၀င်လေထွက်၊ စိုထိုင်းဆ၊ အာဟာရ အဲဒီလေးမျိုးကို ဖြည့်ပေးနိုင်ရင်ရတယ်။ ပြောစရာရှိလာတာက စိုထိုင်းဆပါပဲ။ ရေထိန်းသိမ်းနိုင်အားကောင်းတဲ့ ရေညှိတို့ အုန်းဆံဖတ်တို့နဲ့စိုက်ရင်  အပင်နဲ့ ပွါးစာစိုရုံလောက် ရေလောင်းပေးဖို့လိုပေမယ့် အုတ်ခဲတို့ မီးသွေးတို့နဲ့စိုက်တဲ့အခါ ရေကို အကြာကြီးစိုရွဲ နေအောင်လောင်းပေးဖို့လိုတယ်။ ပင်စည်တွေ ဖေါင်းမနေပဲ ရှုံ့လာရင် ရေဓါတ်လိုအပ်တယ်ဆိုတဲ့လက္ခဏာပြနေတာ။ ဘာမှမထည့်ပဲ တွဲစိုက်ထားတဲ့အပင်တွေဆို ရေဖျန်းပိုက်နဲ့ နာရီဝက်လောက်ထိ ဖျန်းပေးဖို့လိုတယ်။ဒါမှမဟုတ်လဲ အပင်ဖြုတ်ပြီး ရေကန်ထဲ၊ ရေပုံးထဲ ပစ်ထည့်ထားပြီး နာရီဝက်လောက်ကြာတဲ့ခါ ဆယ်ပြီးပြန်ချိတ်။ ရတယ်။ အဓိက လိုအပ်ချက်လေးမျိုးကိုပဲ ခေါင်းထဲထည့်ထားပါ။ ပြီးရင် အဆင်ပြေမယ်ထင်သလိုသာလုပ်။