မှိုရောဂါ

မှိုရောဂါ

အပင်တွေရောဂါဖြစ်ရခြင်းအကြောင်းတွေထဲက အဖြစ်အများဆုံးက ကပ်ပါရောဂါပိုး အနုဇီဝရုပ်တွေဖြစ်တဲ့  ဘက်တီးရီးယားနဲ့ မှိုတို့ကြောင့်ဖြစ်တာများပါတယ်။ မှိုတွေဟာ သူတို့အတွက်လိုအပ်တဲ့ အစာအာဟာရကို ကိုယ်တိုင်မချက်လုပ်နိုင်ပဲ အခြားသက်ရှိအပင်တွေကို ကပ်ပါးအဖြစ်မှီခိုအသက်ရှင်ရတဲ့အတွက် လက်ခံပင်တွေကို ရောဂါဖြစ်စေပါတယ်။

ကပ်ပါးမှိုတွေရဲ့မျိုးစေ့ဖြစ်တဲ့ Spore တွေဟာ အများအားဖြင့် မိုးရေနဲ့ (လောင်းတဲ့)ရေတွေကတစ်ဆင့် အပင်တွေဆီ ရောက်လာပါတယ်။ အဲဒီ စပိုးတွေဟာ အပင်အရွက်တွေမှာရှိတဲ့ စတိုမာ(Stoma) အပေါက်တွေကလဲဝင်တယ်။ပြီးတော့ သစ်ရွက်တွေရဲ့ အပေါ်ယံ ဖယောင်းလွှာကို ဖေါက်ပြီးတော့လဲ ၀င်လာတယ်။ ဒီပထမအဆင့်ကို “ထိခြင်း”အဆင့်(Contact Stage)လို့ခေါ်ပါတယ်။

ဒုတိယအဆင့်အနေနဲ့ ကပ်ပါးမှိုတွေရဲ့မျိုးစေ့ဖြစ်တဲ့ Spore  တွေအညှောက်ပေါက်လာပြီး လက်ခံပင်ရဲ့အတွင်းထဲကို မှိုတွေဝင်ရောက်သွားတယ်။ ပြီးတော့ ဆဲလ်နဲ့တစ်ရှူးတွေဆီက အာဟာရတွေကို စုပ်ယူစားသုံးပါတယ်။ ဒီအဆင့်ကို အောင်းတဲ့အဆင့် (Incubation Stage) ရောဂါဖြစ်ဖို့အရှိန်ယူနေတဲ့အဆင့် လို့ခေါ်ပါတယ်။ ဒီပထမအဆင့်၊ ဒုတိယအဆင့်ထိ မှိုရောဂါဖြစ်တွယ်နေချိန်မှာ ကျနော်တို့က မသိနိုင်သေးဘူး။ ဘာလက္ခဏာမှ မပြသေးဘူး။

တတိယအဆင့်အနေနဲ့ မှို အမျှင်လေးတွေဟာ လက်ခံပင်ဆီက အစာအာဟာရတွေကို သူတို့လိုသလောက်ထုတ်ယူသုံးစွဲလာတယ်။ တစ်ပင်လုံးမှာရှိနေတဲ့ အစာအာဟာရတွေကို ရောဂါဖြစ်နေတဲ့နေရာ(မှိုတွေရှင်သန်နေတဲ့နေရာ)ဆီကို ရွေ့လျှားရောက်ရှိလာအောင်လည်း မှိုတွေကစွမ်းဆောင်နိုင်တယ်။ ဒီအဆင့်မှာ အရွက်တွေရဲ့တစ်ရှူးတွေပျက်စီးပြီး အမည်းစက်လေးတွေ ပေါ်လာတယ်။ ဒီတော့မှ ကျနော်တို့က အပင်မှာ မှိုရောဂါဖြစ်နေပြီလို့သိရတာပါ။

ဒီအဆင့်တွေကိုကြည့်ခြင်းအားဖြင့် ရောဂါဖြစ်မှ မှိုသတ်ဆေးဖျန်းတာဟာ နောက်ကျနေပြီလို့ပြောလို့ရပါတယ်။ ကျနော်အရင်တင်ခဲ့တဲ့ ပို့စ်တစ်ခုမှာ မှိုရောဂါဖြစ်မှ ဆေးဖျန်းပါလို့ရေးခဲ့ပါတယ်။ အဲဒါက အပျော်တမ်းဝါသနာပါလို့သစ်ခွစိုက်တဲ့ သူတွေအနေနဲ့ များသောအားဖြင့်အိမ်ရှေ့ဝရံတာတို့ တံစက်မြိတ်အစွန်းတို့လို လူနဲ့နီးတဲ့နေရာတွေမှာ စိုက်ကြတာများပါတယ်။ ဒီတော့ ရောဂါဖြစ်မှန်းမသိ/မဖြစ်မှန်းမသိ တစ်ပါတ်တစ်ခါဖျန်းနေရင် လူတွေရဲ့ကျန်းမာရေးကိုထိခိုက်နိုင်ပါတယ်။ ကလေးတွေနဲ့ အိမ်ဆိုပိုပြီးဂရုစိုက်သင့်ပါတယ်။ သစ်ခွပင်ကို နေအိမ်ထဲစိုက်ထားပြီး နေအိမ်ထဲတင်ပဲ မှိုသတ်ဆေးဖျန်းတာမျိုးဆိုရင် ပညာရှင်တွေက လုံးဝကို ကန့်ကွက်ကြပါတယ်။ကျန်းမာရေးနဲ့စာရင် ဘ၀မှာသစ်ခွကသာမာန်အဆင့်ပဲလို့တွေးမိလို့ပါ။ မှိုသတ်ဆေး၊ ပိုးသတ်ဆေးတွေကို ဖျန်းတော့မယ်ဆိုရင် အရင်ဆုံး Mask တွေတပ်ထားသင့်တယ်။ ပြီးတော့မှ တတ်နိုင်ရင် လက်အိတ်တို့ဘာတို့ဝတ်ပေါ့။ ဆေးဖျန်းပြီးရင် အဲဒီအခင်းထဲကို ၂၄-နာရီအတွင်း မ၀င်သင့်ဘူး။ ဒါကြောင့် နေအိမ်မှာ ချိတ်ဆွဲပြီး သစ်ခွစိုက်တဲ့သူတွေအနေနဲ့ ရောဂါဖြစ်မှ ဖျန်းပါလို့ပြောခဲ့တာပါ။   အကောင်းဆုံးကတော့ တစ်ရှူးတွေမပျက်စီးခင်ကတည်းက မှိုသတ်ဆေးဖျန်းတာပါပဲ။ သစ်ခွချစ်သူတွေအနေနဲ့  ကိုယ့်မှာစိုက်ထားတဲ့ သစ်ခွတွေကို သစ်ခွရုံဆောက်ပြီးသီးသန့်စိုက်ထားတယ်ဆိုရင်(ဒါမှမဟုတ်) လူတွေကို မထိခိုက်နိုင်လောက်တဲ့ နေအိမ်နံဘေးတွေမှာ၊ အိမ်ရှေ့ခပ်လှမ်းလှမ်းမှာ စိုက်ထားတာမျိုးဆိုရင်တော့ ရောဂါကို ကြိုတင်ကာကွယ်တာ အကောင်းဆုံးမို့လို့ မိုးတွင်းဆိုတစ်ပါတ်တစ်ခါ၊ ပွင့်လင်းရာသီဆိုရင် နှစ်ပါတ်တစ်ခါဖျန်းတာကောင်းပါတယ်။  ဆေးဖျန်းတဲ့အခါ လေငြိမ်တဲ့ ညနေပိုင်းအချိန်မှ ဖျန်းပါ။