သစ်ခွအမြစ်

သစ်ခွအမြစ်

သစ်ခွပင်တွေမှာ အမြစ်ဟာ အရေးပါတဲ့အစိတ်အပိုင်းဖြစ်ပါတယ်။ စိုက်ပျိုးသူတွေအနေနဲ့ ဒင်ဒရိုဘီယမ်၊ လိပ်ပြသစ်ခွတို့လို အိုးနဲ့ထည့်စိုက်ရတဲ့အပင်တွေမှာ သိပ်ပြီး ဂရုစိုက်စရာမလိုပေမယ့် ဗန်ဒါ၊ မိုကာရာ၊ တီအမ်အေ၊ စပိုက်ဒါစတဲ့ မိုးပေါ်ထောင်တက်ပြီးကြီးထွားနေတဲ့သစ်ခွတွေမှာ အမြစ်ဟာ ပွါးစာ၊ အိုး၊ သစ်သားတုံးစတဲ့ကပ်ပြီးစိုက်ထားတဲ့ အရာဝတ္ထုတွေအပြင် လေထဲမှာလဲ အမြစ်တွေရှိနေတဲ့အတွက် အဲဒီအမြစ်တွေကို ဂရုစိုက်ဖို့လိုပါတယ်။

သစ်ခွမြစ်တွေက ရေနဲ့သတ္ထုဓါတ်တွေကို အပင်ရဲ့ကြီးထွာနေတဲ့ အင်္ဂါအစိတ်အပိုင်းတွေဆီ ပို့ပေးတဲ့အပြင် အပင်ကိုလည်း တည့်မတ်အောင် ရပ်တည်နိုင်အောင် ထောက်ပံ့ပေးတဲ့အတွက် အရေးကြီးပါတယ်။ မိုးပေါ်ထောင်သစ်ခွတွေမှာ အမြစ်တွေကို ကောင်းမွန်စွာ ထိန်းသိမ်းနိုင်မှ အပေါ်မှာအရွက်တွေများ  အပင်လည်းအားကောင်းလာပြီး ကျနော်တို့လိုချင်တဲ့ ပန်းပွင့်တွေကို ပွင့်စေနိုင်မှာဖြစ်ပါတယ်။ 

ကြီးထွားနေဆဲဖြစ်တဲ့ သစ်ခွအမြစ်ထိပ်ပိုင်းမှာ အညိုရောင်(ဒါမှမဟုတ်) အစိမ်းရောင်ရှိပါတယ်။ အမြစ်ထိပ်ပိုင်းဟာ သစ်ခွမျိုးအလိုက် အတို/အရှည် နည်းနည်းတော့ကွာတယ်။ အမြစ်ထိပ်ပိုင်းနောက်မှာ ငွေရောင် (Velamen Cells) ဗယ်လမင်းတစ်ရှူးရှိတယ်။မိုးရွာတဲ့ခါ ရေလောင်းတဲ့ခါ (Velamen Cells) ဗယ်လမင်းတစ်ရှူးကရေကိုစုပ်ယူထားပြီး အမြစ်ထိပ်ကနေ အပင်ဆီကို ပို့ပေးပါတယ်။

သုတေသနပြုချက်တွေမှာ သစ်ခွအမြစ်ထိပ်ပိုင်းဟာ အရွက်တွေထက် ၃-ဆကနေ ၃၆-ဆလောက်ထိ ပိုပြီးအစာချက်လုပ်နိုင်တယ်လို့ဆိုပါတယ်။ ပြီးတော့ အမြစ်ထဲမှာ အပင်အတွက်လိုအပ်တဲ့ ဓါတ်ဆားစတာတွေကို သိုလှောင်ထားနိုင်တယ်။ သစ်ခွမြစ်တွေကို ခြောက်သွားပြီလို့ထင်ရပေမယ့် (Velamen Cells) ဗယ်လမင်းတစ်ရှူးနှင့် အပြင်လွှာ(Epidermis) များသာသေသွားပြီး အတွင်းမှာရှိတဲ့  Living Cells တွေရှင်နေသေးတဲ့အတွက် ဖြတ်မပစ်သင့်ပါဘူး။ ဒါကြောင့် လုံးဝခြောက်သွားမှပဲ ဖြတ်ပစ်ပါ။

အမြစ်ထိပ်ပိုင်းလေးတွေဟာ ပုံမှန်ကြီးထွားနေဆဲမှာ ရေငတ်လို့ပဲဖြစ်ဖြစ်  မှိုရောဂါကြောင့်ပဲဖြစ်ဖြစ် တစ်ခါတစ်ရံ တိုလာတတ်ပါတယ်။ ရေပုံမှန်လောင်းနေရင်းနဲ့ အမြစ်ထိပ်ပိုင်းလေးတွေ ပုံမှန်ထက် တိုလာပြီဆိုရင် တစ်ပင်လုံးကို သေသေချာချာကြည့်ပါ။ အထူးသဖြင့် အမြစ်ထိပ်ဝန်းကျင်နဲ့ ရွက်နုပိုင်း အပင်ထိပ်ဖျားတွေကို ကြည့်ပါ။ များသောအားဖြင့် အမည်းစက်လေးတွေ တွေ့ရတတ်ပါတယ်။ အဲဒါမှိုရောဂါပါ။ မှိုသတ်ဆေးဖျန်းပေးမှ အမြစ်ထိပ်ပုံမှန်ကြီးထွားပြီး အလုပ်လုပ်ပါလိမ့်မယ်။ ဒီလို မိုးရာသီဆို အဖြစ်များပါတယ်။သစ်ခွပင်မှာ အမြစ်စုဖွဲ့မှုမကောင်းရင် အမြစ်နည်းနေရင် အပေါ်ပိုင်းအရွက်တွေလဲ နည်းနေလိမ့်မယ်။ အမြစ်နဲ့ အရွက်က ဟန်ချက်ညီပါတယ်။ အရွက်နည်းနေရင် သစ်ခွပင်ရိုးတံ သုံးပေလောက်ရှည်နေပေမယ့် အပင်သေး အဆင့်ပဲရှိတယ်။  

နားလည်ထားရမှာက သစ်ခွမြစ်တွေကို ကောင်းမွန်စွာ မစောင့်ရှောက်နိုင်ဘူးဆိုရင် အပင်မကြီးနိုင်ဘူး။ ဒါဆိုကျနော်တို့လိုချင်တဲ့ လှပတဲ့ သစ်ခွပန်းပွင့်တွေကိုလည်း မရနိုင်ဘူးဆိုတာပါပဲ။