လိပ်ပြာသစ်ခွပျိုးပင်ငယ်များကို စိုက်ပျိုးခြင်း

လိပ်ပြာသစ်ခွပျိုးပင်ငယ်များကို စိုက်ပျိုးခြင်း

တစ်ရှူးကာချာနည်းနဲ့ပွါးထားတဲ့ လိပ်ပြာသစ်ခွပျိုးပုလင်းထဲကအပင်ပေါက်လေးတွေကို ထုတ်ယူတဲ့အခါ ပထမဆုံး ပျိုးပုလင်းကို ခွဲပစ်ဖို့အတွက် ပျိုးပုလင်းကို သတင်းစာ(သို့)ဂျာနယ်နဲ့ ထူထူပတ်ထားပါ။ ပြီးတော့ ပုလင်းကို  70ံလောက်ခပ်စောင်းစောင်းထောင်ထားပြီး ပုလင်းအောက်ခြေကို တူ(သို့)ကျောက်ခဲ နဲ့ ထုခွဲပစ်ပါ။ ပုလင်းကွဲသွားတဲ့အခါ ပျိုးပင်ငယ်တွေကိုထုတ်ယူပြီး ရေသန့်သန့်ထည့်ထားတဲ့ ပုံးတစ်လုံးထဲထည့်ပါ။ ပြီးတော့ ပျိုးပုလင်းထဲကပါလာတဲ့ကျောက်ကျောပွါးစာတွေကိုပြောင်စင်အောင်ဆေးပစ်ပြီး အပင်ငယ်လေးတွေကို တစ်ပင်စီခွဲထုတ်ပါ။ ပြီးတော့ အပင်အရွယ်တူဆိုဒ်တူတွေကို အကြီးဆိုဒ်/အသေးဆိုဒ်ထပ်ခွဲပြီးစုထားပါ။ အဲဒီအပင်လေးတွေကို ပျိုးဖို့အတွက် အမြင့် လေး/ငါးလက်မ၊ အကျယ်ဆယ်လက်မ/တစ်ပေ၀န်းကျင်ရှိတဲ့ ပလပ်စတစ်ခြင်းတွေ ထဲမှာ တစ်လက်မလောက်အရွယ်ရှိတဲ့ အုတ်ခဲကျိုး/မီးသွေးခဲ၊ တစ်လက်မလောက်အရှည်ဖြတ်ထားတဲ့ အုန်းဆံကြိုးတွေကို ပျိုးအိုးပြည့်ခါနီးလက်နှစ်ဆစ်လောက်အလိုထိဖြည့်ထားပါ။ အဲဒီပွါးစာတွေကို ပျိုးအိုးထဲမထည့်မီ ကာဆူမင်ဖျော်ထားတဲ့ ရေနဲ့ ၁၅  မိနစ်လောက်စိမ်ထားပေးပြီးမှ ပျိုးအိုးထဲ ဖြည့်ထည့်ပါ။ သစ်ခွပျိုးပုလင်းကို မခွဲမီကတည်းက ပွါးစာတွေကို ကာဆူမင်စိမ်ပြီး အဆင်သင့်လုပ်ထားရမှာ ဖြစ်ပါတယ်။ ပြီးတော့ ပျိုးပင်ငယ်လေးတွေကို ပွါးစာထည့်ထားတဲ့ခြင်းထဲမှာ တစ်ပင်နဲ့တစ်ပင် တစ်လက်မ(သို့) နှစ်လက်မလောက်ခြားပြီးထည့်ပါ။ ပြီးရင်ဆေးဖျန်းရမယ်။ ကျနော်ကတော့ ဖျန်းတဲ့ဆေးကို ဗားပလက်၊ ဖိုလစ်အက်စက်၊ သကြား၊ ကာဆူမင်၊ မိုရယ်လ်မုန်း ငါးမျိုးထည့်ဖျော်ပါတယ်။

 (ဗားပလက်နဲ့ ဖိုလစ်အက်စက်က အပင်ငယ်အလုပ်မလုပ်နိုင်သေးခင် လိုအပ်တဲ့ ဗီတာမင်ရဖို့နဲ့ အမြစ်အတွက် လှုံ့ဆော်ဖို့ ထည့်တာ။ သကြားကိုတော့ အပင်တွေအစာချက်တယ်ဆိုတာ သကြားဓါတ်ရဖို့အတွက်ချက်တာမို့လို့ အပင်ငယ်လေးတွေ နလံမထူနိုင်သေးခင် တိုက်ရိုက်ကျွေးပေးတဲ့အနေနဲ့ ထည့်တာ။ ကာဆူမင်ကတော့ သကြားကအချိုဖြစ်လို့ မှိုလိုက်တယ်။ ပြီးတော့ ပုလင်းထဲကထုတ်ကာစ အပင်ငယ်လေးတွေက အရမ်းနုတော့ရိပုပ်လွယ်တယ်၊ အဲဒါ ဘက်တီးရီးယားကိုအလွယ်တကူကျရောက်စေတယ်။ ဒါကြောင့် မှိုနဲ့ ဘက်တီးရီးယားကို ကာကွယ်နိုင်ဖို့ ကာဆူမင်ကို ထည့်တာ။ မိုရယ်လ်မုန်းဟော်မုန်းက နိုက်ထရိုဖီနောအုပ်စုဝင်ဟော်မုန်းဖြစ်လို့ အပင်တွေကြီးထွားဖို့အတွက် လှုံ့ဆော်အားကောင်းတယ်။ ဒါကြောင့်ထည့်တာ)

အချိုးက ရေတစ်ဂါလံမှာ-ဘားပလက် နှစ်လုံး၊ ဖော်လစ်အက်စက် တစ်ခြမ်း၊ သကြား တစ်ဇွန်း၊ ကာဆူမင် 1-CC၊  မိုရယ်လ်မုန်း 1-CC ထည့်ဖျော်ပါတယ်။ အဲဒီအချိုးတိုင်းဖျော်ပြီး အပင်ငယ်လေးတွေ အမြစ်စပြီး အလုပ် လုပ်လာတဲ့အချိန်ထိ လောင်းပေးပါတယ်။လောင်းတဲ့ခါ ရေမှုန်လေးတွေပဲထွက်တဲ့ ဆေးဖျန်းဗူးတွေနဲ့ဖျန်းပါ။ အပင်ငယ်လေးတွေက ပုလင်းထဲမှာ ပွါးစာအရည်အငွေ့နဲ့ နေရလို့ အခြေနေကောင်းပေမယ့် အပြင်ကိုထုတ်စိုက်တဲ့အခါ လေသလပ်တဲ့ဒဏ်ရယ်၊ အပူချိန်ရယ်ကြောင့် ခြောက်သွေ့ပြီး အရွက်ဖျားတွေခြောက်လာတတ်ပါတယ်။ ဒါကြောင့် အပူလျှော့တဲ့နေရာ၊ လေမလှောင်လွန်း၊ မတိုက်လွန်းတဲ့နေရာမှာ ထားပြီး ရေကို ခဏခဏဖျန်းပေးရပါမယ်။(ပူပြင်းတဲ့ အညာလိုနေရာမျိုးမှာဆိုရင် အပင်ငယ်ဝန်းကျင်လေထုထဲ ရေငွေ့များနေစေဖို့ အပင်ငယ်လေးတွေထားတဲ့ နေရာဝန်းကျင်ကိုပါ ရေဖျန်းပေးသင့်ပါတယ်။) မနက်ပိုင်းတွေမှာ အပေါ်မှာပြောခဲ့တဲ့ ဆေးဖျော်ရည်ကိုလောင်းပေးနိုင်ပြီး ညနေပိုင်းရောက်တဲ့ခါ ရိုးရိုးရေကို များများဖျန်းပေးပြီး နောက်ဆုံးမှာ ကာဆူမင်ချည်းသီးသန့်ဖျော်ထားတဲ့ မှိုသတ်ဆေးကို လောင်းပေးသင့်ပါတယ်။  အမြစ်အလုပ် စလုပ်တဲ့အချိန်မှ ၂၅၊ ၅၊ ၅၊ လိုမျိုး အပင်မြေသြဇာကို ရေတစ်ဂါလံမှာ လက်ဘက်စားဇွန်းတစ်ဇွန်းထက်မပိုစေပဲ ပျော့ပျော့ ဖျော်လောင်းရပါတယ်။ ဒါမှမဟုတ်ရင်လဲ ပုလင်းခွဲပြီး နှစ်ပတ်လောက်မှာ အပင်အခြေနေကောင်းရင် မြေသြဇာကျွေးပေးလို့ရပါတယ်။ မြေသြဇာကျွေးတဲ့ခါ ပျော့ပျော့ပဲကျွေးပေးပါ။ အမြစ်သစ်လေးတွေထွက်လာပြီဆိုရင်တော့ အိုးပြောင်းပေးလို့ရပြီ။ ပြောင်းရွေ့စိုက်မယ့်အိုးမှာ မီးသွေးခဲ နဲ့ အုတ်ခဲကျိုး(သို့)ရေညှိကို ထက်ဝက်လောက်ထည့်စိုက်ပါ။ အိုးပြောင်းထားပြီးတဲ့ အပင်ငယ်လေးတွေကို မနက်ပိုင်းနေရောင်အောက်(သို့)အရိပ်စမိုးထားတဲ့ နေရောင်ဖျော့ဖျော့အောက်မှာအရင်ထားသင့်ပါတယ်။ အပင်ကြီးတွေလို နေရောင်ခပ်ပြင်းပြင်း မခံနိုင်သေးလို့ပါ။ အရွက်သစ်တွေ အမြစ်သစ်တွေထွက်လာပြီဆိုမှ  အပေါ်မှာပြောခဲ့တဲ့ ဆေးဖျော်ရည်ကိုရပ်ပြီး ကာဆူမင်နဲ့ မြေသြဇာကို နှစ်ရက်ခြား၊ သုံးရက်ခြားတစ်ကြိမ်လောက် လောင်းပြီး ဆက်လက်ပြုစုနိုင်ပါတယ်။ ဒီလိုအပင်ငယ်တွေကို စိုက်တဲ့အတွက် ရလာတဲ့ အပင်တွေက ကိုယ့်ပတ်ဝန်းကျင်မှာပဲ ရှင်သန်လာတဲ့ အပင်ဖြစ်လို့ ပန်းခြံတွေက၀ယ်တဲ့ အပင်တွေထက်ပိုပြီးဒဏ်ခံနိုင်တယ်။ ငယ်ငယ်လေးကတည်းက ကိုယ့်လက်ထဲမှာ ကြီးလာတဲ့ အပင်ဖြစ်လို့ ဒီအပင်တွေရဲ့ အလေ့အထကိုလည်း ပိုသိလာနိုင်ပါတယ်။

Oncidium မင်းသမီးသစ်ခွစိုက်ပျိုးခြင်း

Oncidium မင်းသမီးသစ်ခွစိုက်ပျိုးခြင်း

Oncidium  ဟူသောအမည်မှာ ဂရိဘာသာစကားဖြစ်သော Onkos  မှဆင်းသက်လာခြင်းဖြစ်ပြီး အစိုင်အခဲ(or)အောက်ခံပြားဟု အဓိပ္ပါယ်ရပါသည်။ ပန်းပွင့်ရှိ labellum ၏ကြွက်နို့သဏ္ဍာန် အသားနုကိုရည်ညွှန်းခေါ်ဝေါ်ခြင်းဖြစ်သည်။ မြန်မာနိုင်ငံတွင်မူ Dancing Lady  ဟုလူသိများပါသည်။ ဂါဝန်ဖားဖားဝတ်ပြီး ကနေသော မိန်းကလေးနှင့်တူသဖြင့် Dancing Lady  ဟု အမည်ပေးထားခြင်းဖြစ်၏။

စိုက်ပျိုးခြင်း

Oncidium  သစ်ခွကိုစိုက်ပျိုးရာသည့်အခါ မြေအိုးတွင် အုတ်ခဲကျိုး၊ မီးသွေးခဲ တို့ကိုထည့်၍ စိုက်ပျိုးနိုင်ပါသည်။ အချို့ သစ်သားအိုးတွင် ယင်းပွါးစာများထည့်၍လည်း စိုက်ပျိုးကြပါသည်။ သတိပြုရန်မှာ Oncidium သစ်ခွများသည် အခြားသစ်ခွမျိုးများထက် အနည်းငယ်ပို၍ ခြောက်သွေ့သည်ကိုကြိုက်သဖြင့် ခြောက်သွေ့လွယ်သည့် ပွါးစာများကို သုံးသင့်ပါသည်။ တစ်ချို့သော Oncidium များသည် ရေ၀ပ်ပါက ပုပ်သွားတတ်ပါသည်။ ပင်ပိုင်းကြီးထွားနေစဉ် ရေကိုများများလောင်းပေးသင့်ပြီး အစာကိုလည်းလုံလောက်စွာ ကျွေးသင့်ပါသည်။ တစ်ချို့ Oncidium များမှာ ပင်စည်ယောင်ဥတက် Pseudobulb ကြီးထွားမှုပြီးဆုံးလျှင် ပန်းခိုင်လည်းမထွက် သားတက်လည်းမထွက်ပဲ နားတတ်ပါသည်။ အပင်နားချိန်မှာ တစ်ပါတ်မှ တစ်ချို့ ရသတ္တပါတ်များစွာ ကြာတတ်ပါသည်။

အပူချိန်နှင့် စိုထိုင်းဆ

Oncidium သစ်ခွများအတွက် သင့်တော်သော အပူချိန်မှာ 60ံ  မှ   80ံF တွင်ထားရှိသင့်ပြီး စပ်မျိုး Oncidium များအတွက် 55ံF သည် သင့်တော်ပါသည်။ ရေလောင်းသည့်အခါ အပင်၊ အိုး အားလုံးစိုအောင်လောင်းပေးသင့်ပြီး ရေမ၀ပ်စေရန်ဂရုစိုက်ရပါမည်။ ကြီးထွားနေစဉ်ရေများများရရန်လိုပြီး ပင်စည်ယောင်ဥတက် Pseudobulb ပိန်ချုံ့သွားသည်အထိ ရေမငတ်စေရန် ဂရုစိုက်သင့်ပါသည်။ အပင်နားတတ်သည့် မျိုးများကို နားသည့်အချိန်တွင် ပင်စည်ယောင်ဥတက် Pseudobulb မခြောက်ရုံသာ လောင်းပေးရန်လိုပါသည်။ စပ်မျိုးပင်များ၏ အမြစ်သည် အမြဲရေစိုနေလျှင် ပုပ်တတ်သဖြင့် မိုးရာသီတွင် အရိပ်အောက်ထားသင့်ပါသည်။ မူရင်းမျိုးဖြစ်သည့် ရွှေဝါရောင် မျိုးများမှာ အကြမ်းခံသဖြင့် အပြင်ဘက်လေဟာပြင်တွင်လည်းစိုက်ထားနိုင်ပါသည်။

အလင်းရောင်နှင့် လေ၀င်လေထွက်

Oncidium သစ်ခွများအတွက် ၅၀% မျှအလင်းရောင်ရလျှင် လုံလောက်ပါသည်။ သို့မဟုတ် မနက်ပိုင်းနေရောင် အပြည့်ရပြီးနေ့လည်နှင့် ညနေပိုင်းများတွင် အရိပ်ရနေစေလျှင်လည်း သင့်တော်ပါသည်။ ရွှေဝါရောင် မျိုးများကို ယင်းထက်နေရောင်ပိုပေးသင့်ပါသည်။  လေ၀င်လေထွက် ကောင်းစွာ ရရှိစေသင့်ပြီး အစိုဓါတ်ပါသည့် လေပြည်လေညှင်းတိုက်ခတ်ခြင်းဖြင့် ပွါးစာများ မြန်မြန်ခြောက်သွေ့ သဖြင့် အမြစ်များ ပို၍ ကျန်းမာသန်စွမ်းပါသည်။

မြေသြဇာ

Oncidium သစ်ခွများအတွက် ၂၁-ပတ်လည်ကဲ့သို့ မြေသြဇာများကို ပြင်းအားပျော့ပျော့ဖြင့် တစ်ရက်ခြားလောင်းပေး၍ဖြစ်စေ၊ ၁၄-ပတ်လည်ကဲ့သို့ မြေသြဇာများကို အိုးတွင်းတစ်လတစ်ကြိမ်ထည့်ပေး၍ ဖြစ်စေ ကျွေးပေးနိုင်ပါသည်။

အိုးပြောင်းခြင်း

Oncidium သစ်ခွများကို အပင်သစ်ကြီးထွားနေချိန် အမြစ်သစ်မထွက်မီ အိုးပြောင်းသင့်ပါသည်။ အနားယူနေသည့် အပင်များနှင့် ပန်းပွင့်နေဆဲအပင်များကို အိုးမပြောင်းသင့်ပါ။ ယင်းအချိန်တွင် အိုးပြောင်းပါက အပင်အတည်တကျဖြစ်ရန် ခဲယဉ်းပါသည်။ Oncidium သစ်ခွများကို နှစ်နှစ် တစ်ကြိမ်ခန့် အိုးပြောင်းပေးသင့်ပါသည်။ သစ်ပင် သစ်သားတုံးတို့တွင် ကပ်၍စိုက်ပျိုးပါက အိုးပြောင်းရန်၊ သားခွဲရန်မလိုသော်လည်း အိုးတွင်စိုက်သည့် အပင်ထက် ရေကို ပို၍လောင်းပေးရန်လိုပါသည်။

သစ်ခွမျိုးပွါးခြင်း

သစ်ခွမျိုးပွါးခြင်း

အရင်ပို့စ်တစ်ခုမှာ Keiki-GROW  ဟော်မုန်းသုံးပြီး မျိုးပွါးနည်းကိုတင်ခဲ့ပါတယ်။ ခုတော့

၁။ ကိုင်းဖြတ် မျိုးပွါးခြင်း။

၂။ သားခွဲမျိုးပွါးခြင်း၊ ဥယောင်ပင်စည်ဟောင်းများ ဖြတ်တောက်မျိုးပွါးခြင်း။

၃။ ပန်းခိုင်ရိုးတံမှ မျိုးပွါးခြင်း

တွေကို ရေးပါ့မယ်။

ကိုင်းဖြတ် မျိုးပွါးခြင်း။(Cutting)

Monopodial  အမျိုးစားသစ်ခွ(မိုးပေါ်ထောင်သစ်ခွ)တွေကို  အပင်ဖြတ်ပြီး အလွယ်တကူမျိုးပွါးနိုင်ပါတယ်။ အဲဒီလိုမျိုးပွါးတဲ့အခါ အဓိကသတိထားရမယ့် နှစ်ချက်က (၁) ဖြတ်ယူမယ့်အပေါ်ပိုင်းမှာ သန်သန်မာမာ ထွက်နေတဲ့ ကျန်းမာတဲ့ အမြစ် သုံးမြစ်လောက်ရှိရမယ်။ (၂) ကျန်ခဲ့တဲ့ အောက်ငုတ်မှာ ပန်းမပွင့်ခဲ့တဲ့ မျက်စိလေးလုံးနဲ့ ကောင်းမွန်တဲ့အရွက် ခြောက်ရွက်လောက်ကျန်ခဲ့ရမယ်။ ဖြတ်ရာကို ထုံး(ဒါမှမဟုတ်) မှိုသတ်ဆေးသုတ်ပေးပါ။ ဖြတ်ပြီး  ပြီးချင်းမစိုက်ပဲ ဖြတ်ရာခြောက်မှ စိုက်တာ ပိုကောင်းတယ်။ ကျန်ခဲ့တဲ့ အပင်ငုတ်ဖြတ်ရာမှာ Keiki-GROW  ဟော်မုန်း သုတ်ထားပေရင် သားတက်နှစ်တက်သုံးတက် ထွက်လာနိုင်တယ်။ ထွက်လာတဲ့ သားတက်တွေက အမြစ်တွေထွက်လာရင် ထပ်ပြီးဖြတ်စိုက်နိုင်ပါတယ်။ သားတက်ဖြတ်စိုက်ချိန် ပင်မငုတ်မှာ အရွက်မရှိတော့ဘူးဆိုရင် သားတက်အခြေမှာ အရွက် လေးရွက်လောက် ချန်ဖြတ်ပါ။ ဒါမှ ငုတ်က သားတက်ထပ်ထွက်နိုင်လိမ့်မယ်။ ဖြတ်တဲ့အခါ ဓါးနဲ့ဖြတ်တာထက် ကိုင်းဖြတ်ကတ်ကြေးနဲ့ ဖြတ်တာ ပိုကောင်းပါတယ်။ ဖြတ်ပြီးကျန်ခဲ့တဲ့ ငုတ်ကို သားတက်လိုချင်တဲ့အတွက် ပုံမှန်ထက် အရိပ်ပိုရတဲ့နေရာမှာ နိုတ်ထရိုပိုများတဲ့ မြေသြဇာကျွေးပြီး ရေကိုလျှော့လောင်းပါ။ အရိပ်များများပေးထားတဲ့အတွက် မှိုသတ်ဆေးပုံမှန်ဖျန်းပေးဖို့လိုတယ်။ အောက်ခြေမှာ အရွက်မရှိ /ရိုးတံပဲရှိပြီး အပေါ်မှာပဲ အရွက်တွေရှိတဲ့ အပင်မျိုးဆိုရင် ပင်စည်ရဲ့ သုံးပုံတစ်ပုံကို ဓါးနဲ့ဖြတ်ရာပေးပြီး အပင်ကို (ပ)ပုံကွေးပေးပါ။ ဒါဆိုရင် အောက်ခြေမှာ သားတက်လိုက်လာနိုင်ပါတယ်။

သားခွဲမျိုးပွါးခြင်း၊ ဥယောင်ပင်စည်ဟောင်းများ ဖြတ်တောက်မျိုးပွါးခြင်း.

မြေလျှောက်ပင်စည်. Rhizome လိုပဲ ဘေးတိုက်သွားပြီး ပင်စည်ယောင်ဥတက် Pseudobulb နဲ့ကြီးထွားတဲ့  ကက်တလီယာ၊ ဒင်ဒရိုဘီယမ်စတဲ့ Sympodial သစ်ခွတွေကို သားခွဲမျိုးပွါးခြင်း၊ ဥယောင်ပင်စည်ဟောင်းများ ဖြတ်တောက်မျိုးပွါးခြင်းဖြင့် မျိုးပွါးနိုင်ပါတယ်။ သားခွဲတဲ့နေရာမှာ သတိပြုရမှာက

၁။ အပင်ဟာ ကျန်းမာသန်စွမ်းတဲ့ အပင်ဖြစ်ရမယ်။

၂။သစ်ခွပင်မှာ အရွယ်ရင်ပြီးတဲ့ ပင်စည်ယောင်ဥတက် Pseudobulb အနည်းဆုံး လေးပင်နဲ့ အထက် ရှိရမှာ              ဖြစ်ပါတယ်။

၃။ အရွယ်ရင်ပြီးတဲ့ ပင်စည်ယောင်ဥတက် Pseudobulb  ခြေရင်းက သားတက်ထွက်ပြီး အဲဒီသားတက်ကနေ အမြစ်သစ်ထွက်စ ဖြစ်ရမယ်။

သားခွဲဖို့အပင်ကိုဖြတ်တဲ့အခါ သားတက်အပြင် အနည်းဆုံး ပင်စည်ယောင်ဥတက် Pseudobulb  နှစ်ခုပါအောင် (Rhizome) မြေလျှောက်ပင်စည်ကိုဖြတ်ပြီး ဖြတ်ရာကို ထုံး(ဒါမှမဟုတ်)မှိုသတ်ဆေးသုတ်ပါ။ နည်းနည်းခြောက်အောင် လေသလပ်ခံထားပြီးမှ အိုးသစ်မှာ စိုက်ပါ။ အပင်ဟောင်းကို အိုးဟောင်းမှာပဲ ဆက်ထားခဲ့ပါ။ အိုးသစ်နဲ့စိုက်ချင်ရင်လည်း အမြစ်ဟောင်း အသေတွေကိုဖြတ်ပစ်ပြီးမှစိုက်ပါ။ အိုးခွဲတဲ့အခါ ဖြစ်နိုင်ရင် Keiki-GROW  ဟော်မုန်းကို အပင်ဟောင်းရဲ့ မျက်စိတွေမှာ သုတ်ပေးပါ။ တကယ်လို့ အစာတွေ မဟောင်းသေးဘူးဆိုရင် အိုးမခွဲပဲ ပင်စည်ယောင်ဥတက် Pseudobulb  အနည်းဆုံးနှစ်ပင်လောက်ပါအောင်  (Rhizome) မြေလျှောက်ပင်စည်ကိုဖြတ်ရုံ ဖြတ်ပေးထားရင်  သားတက်တွေအများကြီးထွက်လာပြီး အရမ်းလှတဲ့ သစ်ခွအိုးကို ရနိုင်ပါတယ်။ ဒင်ဒရိုဘီယမ်သစ်ခွအပင်ဟောင်းတွေ မသေသေးဘူး၊ အပင်ခြေမှာ သားတက်ထွက်နိုင်လောက်တဲ့ မျက်စိလည်းမရှိတော့ဘူးဆိုရင် ပင်စည်ယောင်ဥတက် Pseudobulb  အခြေက ဖြတ်ပြီး ပူပြင်းတဲ့ရာသီဆိုရင် ခုံရှည်ပေါ်မှာ ဂုန်နီအိတ်လိုမျိုး ရေကိုထိန်းနိုင်တာကို ခင်းထားပြီး လေသလပ်တဲ့ နေရာမှာထားပါ။ မိုးရာသီဆိုရင် မိုးပြင်မှာ ပစ်ထားရင် အပင်ရိုးတံကနေ သားတက်ငယ်တွေထပ်ထွက်နိုင်ပါတယ်။ အဲဒီအချိန်မှာ မှိုနဲ့ ဘက်တီးရီးယားကြောင့် ရိုးတံ ပုပ်မသွားအောင်နဲ့ စိုထိုင်းဆနည်းပြီး ရိုးတံခြောက်မသွားအောင် ဂရုစိုက်ပေးဖို့လိုတယ်။ အဲဒါဆို သားတက်ငယ်တွေ ရနိုင်ပါတယ်။

ပန်းခိုင်ရိုးတံမှ မျိုးပွါးခြင်း

သစ်ခွပန်းခိုင်ရိုးတံရဲ့ အောက်ဆုံးပန်းပွင့် အောက်က အဆစ်တွေမှာ Vegetavite buds ပင်ပိုင်းဖူးတွေပါရှိပါတယ်။ အဲဒါတွေက အခြေအနေပေးရင် အပင်ငယ်တွေ ထွက်လာနိုင်ပါတယ်။ အဲဒီလိုအပင်ငယ် ထွက်တာမျိုးကို လိပ်ပြာသစ်ခွတွေမှာပဲ တွေ့ရပါတယ်။ မူရင် ပန်းပွင့်တဲ့ အပင်ကြီးက အားကောင်းတယ်၊ ကိုယ်ကလည်း အပင်ငယ်လိုချင်တယ်ဆိုရင် Vegetavite buds ပင်ပိုင်းဖူး မျက်စိတွေကို ဖုံးနေတဲ့ ပွင့်ရွက်ခံ Bract တွေကို ခွါပါ။ ပေါ်လာတဲ့ မျက်စိမှာ Keiki-GROW  ဟော်မုန်းကို သုတ်ပေးပါ။  ဒီလို Keiki-GROW  ဟော်မုန်းကိုသုံးပြီး အပင်ငယ်ရယူတဲ့အခါ မျက်စိအားလုံးကို မသုံးပါနဲ့။ ပေါ်လာမယ့် အပင်ငယ်က အပင်ကြီးဆီက အစာကိုပဲ စားသုံးရမှာ ဖြစ်တဲ့အတွက် အများဆုံး မျက်စိနှစ်ခုလောက်ပဲ သုတ်သင့်ပါတယ်။ ဂရုစိုက်ရမှာက ကိုယ်က အပင်ကိုလိုချင်တဲ့အတွက် ပုံမှန်ထက် အရိပ် ပိုပေးရမယ်။ နိုတ်ထရို ပိုများတဲ့ မြေသြဇာကိုကျွေးရမယ်။ ရေကို လျှော့လောင်းရမယ်။အရိပ်ပိုပေးတဲ့အခါ အပင်က နေရောင်အောက်က အပင်လောက် ဒဏ်မခံနိုင်တဲ့အတွက် မှိုနဲ့ ဘက်တီးရီးယားသတ်ဆေး ပုံမှန်ဖျန်းပေးဖို့ လိုပါတယ်။ အပင်သစ်ထွက်လာလို့ အပင်သစ်က အမြစ်တွေထွက်လာရင် ဖြတ်စိုက်လို့ ရပါပြီ။ပုံမှန်အပွင့် ပွင့်တဲ့နေရာမှာပဲ ဟော်မုန်းသုတ်ပြီးဆက်ထားရင် များသောအားဖြင့် အပင်ဖြစ်မလာပဲ ပန်းခိုင်အသစ်ပဲ ဖြစ်တာများတယ်။ အဆင်ပြေကြပါစေ။

(Bulbophyllum auricomum) သဇင်စိုက်ပျိုးခြင်း

(Bulbophyllum auricomum) သဇင်စိုက်ပျိုးခြင်း

သဇင်ပန်းပါဝင်သော မျိုးစု(Bulbophyllum)ဟာ  သစ်ခွမျိုးရင်းတွေထဲမှာ  အကြီးဆုံးမျိုးရင်းဖြစ်ပြီး မျိုးစိပ်ပေါင်း (၂၀၀၀)ကျော်ရှိပါတယ်။ အီကွေတာ တစ်ပတ်လုံးမှာတွေ့ရပေမယ့် ကျနော်တို့မြန်မာတွေ တန်ဖိုးထားတဲ့သဇင်  မျိုးစိပ်ကတော့ ချင်းပြည်နယ်တောင်ပိုင်း ပလက်ဝမြို့နယ်ကနေပြီး ရခိုင်ပြည်နယ်၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းအထိပျံ့နှံ့ပေါက်ရောက်ပါတယ်။ ထူခြားတာက မြန်မာနိုင်ငံ အပြင်ဘက်မှာ လုံးဝမတွေ့ရတဲ့အတွက် အရမ်းကို မြန်မာဆန်တဲ့ပန်းလို့ပြောလို့ရပါတယ်။ မဟာဆန်ခြင်း၊ ကဗျာဆန်ခြင်း၊ တင့်တယ်ခြင်း၊ ကျက်သရေရှိခြင်း၊ ဖြူစင်ခြင်းစတဲ့ ကောင်းခြင်းများစွာကို ပိုင်ဆိုင်ထားပါတယ်။ သဘာဝမှာ သဇင်တွေက သစ်ကိုင်းဖျားတွေမှာ ပေါက်တာများတယ်။ နေပြောက်တွေ လေပြေညှင်းတွေရတဲ့ သစ်ကိုင်းဖျားတွေမှာ ပေါက်ရောက်တာကိုကြည့်ခြင်းအားဖြင့် နေအပြည့်မကြိုက်ဘူး။ လေ၀င်လေထွက်ကောင်းတာကို ကြိုက်တယ်ဆိုတာ သိနိုင်ပါတယ်။ တစ်ချို့လူတွေက သဇင်ပန်းကို သန့်စင်လို့ခေါ်ပြီး သဇင်ကအသန့်ကြိုက်တယ်လို့ ပြောကြတာဟာ လေလှောင်ပိတ်တဲ့နေရာတွေက အနံ့သက်မကောင်းလို့ပါ။အမှန်က လေ၀င်လေထွက်ကောင်းတာကိုကြိုက်တာပါ။

သဇင်တွေက မိုးမကျမီ အပင်သစ်လေးတွေထွက်လာတယ်။ အပင်သစ်လေးတွေက ဥထဲမှာရှိတဲ့ အစာတွေကို စားသုံးပြီးကြီးထွားလာတယ်။မိုးမှန်လာတဲ့ချိန်မှာ အပင်သစ်က အမြစ်တွေထွက်လာတယ်။ အဲဒီချိန်ထိ ဥက ဖြစ်မလာသေးဘူး။ ၈/၉ လပိုင်းလောက်မှာဥကပေါ်လာတယ်။ စိုက်ပျိုးသူတွေအနေနဲ့ အမြစ်လေးတွေထွက်လာတဲအချိန်မှာ အစာကျွေးပေးဖို့လိုတယ်။ ဒါမှ သန်စွမ်းတဲ့ဥတွေရရှိပြီး လှပတဲ့ သဇင်ခက်တွေ ရရှိနိုင်မှာဖြစ်ပါတယ်။ အရွက်မကြွေမီ ၉ /၁၀ လပိုင်းလောက်မှာ ၁၀၊ ၅၂၊ ၁၇ လိုမျိုး အပွင့်ဆေးတွေ တင်ပေးသင့်တယ်။ အမြစ်သစ်တွေစထွက်လာတဲ့ အချိန်ကစပြီး အစာကျွေးတဲ့အခါ နိုတ်ထရိုအချိုးများတဲ့ မြေသြဇာတွေထက် ၂၁-ပတ်လည်လို မြေသြဇာတွေကို ၅-ရက်တစ်ခါလောက် ကျွေးသင့်ပါတယ်။ နိုတ်ထရိုများတဲ့မြေသြဇာကိုကျွေးရင် ဥကလှပေမယ့် အပွင့်မပွင့်နိုင်ဖြစ်တတ်ပါတယ်။ ပြီးတော့ အပင်ကြီးထွားစေဖို့ သီးပွင့်စေဖို့အစွမ်းထက်တဲ့ နိုတ်ထရိုဖီနော အုပ်စုဝင်ဟော်မုန်း တွေဖြစ်တဲ့ မိုရယ်မုန်းတို့ လစ်တိုဇင်တို့ကို နှစ်ပါတ်တစ်ခါလောက်ဖျန်းပေးသင့်ပါတယ်။

စိုက်တဲ့အခါ အမြစ်ဟောင်းတွေဖြတ်ပစ်တာတို့ ဥကိုသွားကြားထိုးတံနဲ့ ဖေါက်ထိုးပြီး စိုက်တာတို့ မလုပ်သင့်ပါဘူး။ ဘာလို့လဲဆိုရင် သဇင်ဆိုတာလဲ သစ်ခွပဲဖြစ်တဲ့အတွက် အစာတွေကို ဥနဲ့ အမြစ်တွေမှာ သိုလှောင်ထားပါတယ်။ ဒီတော့ အမြစ်ဖြတ်တာ၊ ဥကိုသွားကြားထိုးတံနဲ့ထိုးစိုက်တာဟာ သဇင်ဥနဲ့ အမြစ်မှာရှိတဲ့ အာဟာရတွေကို ဖြုန်းတီးပစ်ရာကျပါတယ်။ အဲဒီလို လုပ်တဲ့အတွက် သားတက်အတွက် အာဟာရချို့တဲ့တာပဲ အဖတ်တင်တယ်။ သစ်တုံးမှာ အုန်းဆံကြိုးတစ်ထပ်ပတ်ပြီး အဲဒီပေါ်မှာ အမြစ်ပါတဲ့ သဇင်ဥကိုတင်ပြီး အုန်းဆံကြိုးနောက်တစ်ပတ်ကို အမြစ်ပေါ်ပတ်ချည်လိုက်ရင် ဥလည်းခိုင်သွားတယ်။ ဥလည်းမနာဘူး။ အမြစ်ကအစာတွေလည်းမဆုံးရှုံးတော့ဘူး။ ဥကိုသွားကြားထိုးတံနဲ့ထိုးစိုက်ရင် အဲဒီဥက နောက်နှစ်ဆို ခြောက်သွားလိမ့်မယ်။ သဇင်ဥတွေရဲ့အောက်ခြေမှာ အပင်ဖြစ်လာနိုင်တဲ့ မျက်စိ ၂၀-၀န်းကျင်ပါတဲ့အတွက် ဥဟောင်းကလည်း အပင်ထပ်ထွက်နိုင်တယ်။တစ်ဥနဲ့ တစ်ဥဆက်ထားတဲ့ မြေလျှောက်ပင်စည်ကိုဖြတ်လိုက်ရင် ဥဟောင်း ဥသစ် နှစ်ဥလုံးကိုစိုက်ရင် ပင်ပွါးအများကြီးရနိုင်ပါတယ်။ဥကိုသွားကြားထိုးတံနဲ့ထိုးစိုက်ရင်တော့ ဥဟောင်းခြောက်သွားမှာဖြစ်တဲ့အတွက် ထပ်စိုက်လို့မရတော့ဘူး။ ပြီးတော့ သဇင်ရွက်တွေက ပုံမှန်အချိန်မှာ အနံ့မထွက်ဘူး။ မမွှေးဘူးပေါ့။ပွင့်ကနီးအရွက်ကြွေချိန်မှာ အနံ့ထွက်တယ်။ မိုးတွင်မှာ သဇင်အုံနားရောက်သွားလို့ မွှေးနေပြီဆိုရင် သေချာတယ်။ အဲဒါ အရွက်တွေ ဘက်တီးရီးယားကျလို့(ဒါမှမဟုတ်)မှိုရောဂါကျလို့(ဒါမှမဟုတ်)မိုးများပြီးသစ်စက်ရေ အဆက်မပြတ်ကျပြီးအရွက်ပုပ်လာလို့ အနံ့ထွက်လာတာ။ အဲဒီအချိန်မှာ ဘက်တီးရီးယားနဲ့ မှိုသတ်ဆေးဖျန်းပေးသင့်ပါတယ်။ သဇင်က အရွက်တစ်ရွက်(ဒါမှမဟုတ်) နှစ်ရွက်တည်းထွက်တဲ့ အပင်ဖြစ်လို့ ဥမဖြစ်သေးခင် အရွက်ပုပ်ရင် အပင်သေသွားလိမ့်မယ်။ အရွက်တွေ ရောဂါမဖြစ်ဖို့ အရမ်းဂရုစိုက်ရပါတယ်။

သဘာဝမှာ မိုးရေနဲ့ရှင်သန်တဲ့အပင်ဖြစ်လို့ ၅၀% (ဒါမှမဟုတ်) ၇၀% အရိပ်စအောက် မိုးထဲမှာ စိုက်တာ ပိုကောင်းပါတယ်။ သဇင်စိုက်တဲ့ သစ်သားတုံး၊ တိုင်တွေကို အရှည်ကြီးထားတာလဲမကောင်းဘူး။ ကျလာတဲ့ မိုးရေထဲက အာဟာရတွေကို အပေါ်ဘက်အပင်တွေက စားသုံးရပေမယ့် အောက်ဘက်ကအပင်တွေက အာဟာရနည်းတဲ့ရေပဲရတော့တယ်။ ဒါကြောင့် တိုင်အရှည်နဲ့ စိုက်ရင် အစာကျွေးပေးဖို့လိုတယ်။ ဒီအတိုင်းထားရင် အောက်ဘက်က အပင်တွေက ဥမသန်ဘူး။ အောင်မြင်စွာ စိုက်ပျိုးနိုင်ကြပါစေ။